Reuse-park kom dalk in Oos-en Wes-Kaap

As planne van die Suid-Afrikaanse Nasionale Parke (SAN-Parke) deurgevoer word, gaan die derde grootste nasionale park in Suid-Afrika in die Suid- en Oos-Kaap tot stand kom.

Dit het Saterdag aan die hg gekom op die viering van die Tuinroete-Nasionale Park se eerste verjaardag.

Mnr. Len du Plessis, bestuurder: beplanning en toepassing van die Tuinroete- Nasionale Park, sê daar word aan planne gewerk om die park te konsolideer.

SANParke het voorheen onder meer  die Wildernis- Nasionale Park, die Knysna- Nasionale Meregebied en die Tsitsikamma- Nasionale Park bestuur.

In 2005 is die inheemse woude en opvanggebiede in die streek oorgedra na SANParke. Dit is die gedeeltes wat verlede, jaar geprokiameer is as die Tuinroete- Nasionale Park.

Daar is egter nog dele in die streek wat nog nie geInkorporeer is in die Tuinroete-  Nasionale Park nie, maar wel deur SANParke bestuur word.

Die eerste voorkeur is om dit nou deel te maak van die Tuinroete- Nasionale Park. Sowat 80 000 ha word geraak.

Die plan is om dit in the volgende drie jaar by die Tuinroete- Nasionale Park te voeg.

As dit gebeur, sal die Tuinroete-Nasionale Park die derde grootste nasionale park in Suid-Mrika wees.

Net die Krugerwildtuin en die Kgalagadi-Oorgrenspark  sal  groter wees.

Du Plessis het gese dit word in die vooruitsig gestel om ‘n vennootskap te vestig met al die eienaars wat grond besit tussen die dele wat die Tuinroete- Nasionale Park vorm.

Die park strek oor twee provinsies (die Wes-Kaap en Oos-Kaap), twee distriksmunisipaliteite (Eden en Cacadu) en vier munisipaliteite (George, Knysna, Bitou en Koukamma).