Agri-toerisme onder die loep

Agri-toerisme is vanjaar ‘n spesiale fokuspunt van die Agri Cape Week, die landbou-ekspo wat van 15 tot 17 April by die Hoer Landbouskool Boland in die Agter-Paarl plaasvind.

Op ‘n konferensie oor agri-toerisme op Vrydag 16 April gaan agri-toerisme bekyk word as ‘n volhoubare en vindingryke inkomste vir enige landbou-onderneming. Hierdie vorm van toerisme het die potensiaal om ‘n volhoubare bykomende inkomste op die plaas te skep deur bestaande hulpbronne te benut.

Indienjy oor interessanthede op iou plaas beskik, soos selfsorg-verblyf, voëlkyk, kampeergeriewe, 4x4- en staproetes en viertrek-motorfietse, behoort jy nie die konferensie oor agri-toerisme mis te loop nie. Dit geld ook bergfietsroetes, trekkerritte, omgewingstoere en naweek-wegbreekgeleenthede vir stadsmense.

Produsente kan by die konferensie oor agri-toerisme kom leer hoe om hierdie geleenthede te benut.

Die hoofspreker is mnr. Peter Myles, ‘n toerisme-spesialis met ‘n landbou-agtergrond. Myles het al verskeie seminare aangebied en vele toerismeverwante artikels in joernale en tydskrifte gepubliseer.

Hy is een van die mm toerismespesialiste ii~ die land met praktiese ervaring in die ontwikkeling van agri-toerisme en het ‘n leidende rol gespeel in die ontwikkeling van die agri-toerismeroetes Gamtoosvallei, Sondagsriviervallei en ‘Black Eagle’.

Navrae en besprekings vir die kongres kan by me. Elma Brand by 021 863 0397 of anders per e-pos by This e-mail address is being protected from spambots. You need JavaScript enabled to view it gedoen word. Die bywoning kos R200.

Deur agri-toerisme kan ‘n bykomende inkomste geskep word wat nie noodwendig gekoppel is aan prysskommelinge, natuurlike elemente of marktendense nie.

Agri-toerisme kan dus ‘n sakegeleentheid wees wat produsente nie kan bekostig om te ignoreer lie.

Vanjaar sal Agri Cape Week ‘n spesiale tent beskikbaar stel vir ondernemings wat uitstallings oor agri-toerisme-aktiwiteite wil doen. Dit sal uitstallers die geleentheid  bied om potensiële kliënte te identifiseer en besprekings te verhoog, handelsmerkbewustheid te vestig en te verbeter, werkers die geleentheid bied om ondervinding in ‘n uitstallersomgewing op te doen en waardevolle lesse oor klienteverhoudings te leer, en om te ervaar wat ander boerdery-ondernemings doen om voordeel te trek uit die geleenthede in agri-toerisme.

Vir nader besonderhede oor die uitstalling oor agri-toerisme kan me.  Anne-Marie le Roux by 021 863 0070 of per e-pos by This e-mail address is being protected from spambots. You need JavaScript enabled to view it genader word.

Uitstallers sal verder uit die Agri Cape Week voordeel trek vanwee die bywoning van toerustingverskaffers, organiseerders van toere of geriewe vir agri-toerisme, toerisme-konsultante, opleiers in die gasvryheidsbestuur, en mense wat betrokke is by visvang, staptoere en rugsakreisigers.